لم اكن اتوقع ان احكي مذكراتي في مثل هذا الوقت من العمر لكني اردت ان ارويها لكم لتكون موعظه لمن يقراها و يريد ان يتعلم من تجارب الاخرين
تبدا حكايتي كندما بدات ادرك ما حولي و بالتحديد عن سن الثامنه عندما كنت في مدرستي الجميله التي لم اري فيها اي من الايام الجميله لكني ادرك اني كنت من غلطان علشان بجد الايام دي مكنش فيها ادني مسئوليه ولا اي مشاكل ممكن الواحد يواجهها غير المذاكره و بالفعل تعرفت علي بنت كانت بتقعد جمبي كانت جميله اوي و كنت بجد حاسس اني بكنلها مشاعر مش قادر احدد ايه هي لاني لا اعرف في ذلك الوقت معني كلمه حب ,,,, بس كان كل همي اني اكون في المدرسه علشان اشوفها و بس و استمرينا بعض السناوات القليله سويا حتي جاء والدي في يوم و قالنا اننا مسافرين بره في احدي الدول الخليجيه علشان هو شغله بقي هنال و بالفعل معنديش اي راي اقدر اقوله لاني اصغر من ان يكون عندي اي راي و سافرت و مافيش في تفكيري صوره بنت غير بالبنت دي كان اسمها نورا و بالفعل كانت نور حياتي في الغربه كنت كل ما ارجع بلدي احاول اسال عليها بعض اصحابي الي معاها في المدرسه و صدقوني مش عارف ليه هي البنت الوحيده الي انا فكرت فيها طول فتره غربتي وممكن يكون السبب ان مكنش ليا اصدقاء او اختلاط من البنات لاني كنت في بلد لا تسمح بمثل هذا الاختلاط و علشان كده انا لا يبقي عندي سوي ذكريات اعترف ان بعضها كان من مخيلتي الصغيره حينها و اعتبرت انه حب من طرف واحد , و كنت كل سنه ارجع فيها افكر اني اروحلها و اشوفها و اقولها علي الي انا حاسه و حسيت اني مينفعش اني اقولها حاجع لانها من المفترض انها تكون نسيتني و لكني اعترف ايضا اني عند سن السادسه عشر احسست اني مريض بحبها و شغوف اني اسمع عنها اي خبر و كان اي خبر عنها بمثابت حلم اتمني اعيشه .
و جاء اليوم لرجوعي الي بلدي الحبيبه مصر ايوه مصر الي انا حبتها طول ايام غربتي و كنت لهوف اني اسمع عنها و عن ناسها اي اخبار و دخلت كليه تجاره القاهره عارف كليه الشعب لكن لي الشرف اني قد تخرجت من مثل هذه الكليه الجميله و عند دخولي الي المحاضرات و مع عمليه انتظامي بالمحاضرات التي لم تستمر كثيرا اتفاجات بحاجه عمري ما كنت اتخيل انها ممكن تحدث لي لقيت ادامي نورا الي حبتها طول حياتي ايوه هي نورا يااااااااااه يا ربي انا عمري ما كنت اتخيل اني ممكن تجمعنا اي حاجه تانيه حتي و لو كانت زماله و حسيت ان ربنا سعتها بيكافاني علي اخلاصي لحبي ليها و بالفعل حاولت الاقتراب منها مرارا و تكرارا لغايه ما ادتني الثقه اني اكون صديق ليها و بجد بدات اقترب منا اكتر و اكتر مما اتخيل و خلتها تفتكرني و قمت بكل شئ حتي احصل علي صداقتها ليا و تعرفت علي والدها و والدتها لاقترم منها اكثر و اكثر و مر علينا سنتين من اجمل ايام حياتي و لم اصارحها باي شئ من داخلي حتي احسست اني لا اقدر علي الصبر اكتر من كده علشان كده لازم اصارحها .
و بالفعل اتفقت معها في يوم بالخروج لمقابلتها في اي مكان تختاره و ادعيت اني محتاجها لتشتري هديه لاحد زملائنا و اني اريدها ان تختار الهديه لاني لا اقدر علي اختيارها و استغليت الوقت ده و قعدنا في كافيه لاني لازم اقولها اني بحبهااااااااااااا و بجد كنا في الساعه 4 ظهرا و داخل الكافيه احسست اني لا يمكنني ان انطق اي كلمه حسيت انها اصعب كلمه علي وجه الارض لانها كانت صادقه بجد و جاءت علينا الساعه السابعه و قالتلي ايه انت مش عاوز تتكلم ولا ايه في حاجه مزعلاك من اي حاجه حسيت ان كل الناس الي في الكافيه بتفرجو عليا و انا في عز التلج و ممتلئ بالعرق لغايه ما قالتلي انا عارفه انت عاوز تقول ايه ساعتها تشجعت لاقولها نورا انا بحبك و محتاجلك و ما نطقتها حتي سمعت رصاصه الرحمه تدخل في قلبي و هي تقول هههههه احنا اصحاب و بس
الجمعة يناير 18, 2008 9:09 pm